Күнлердиң биринде Омар ғәзеп атына минип, әкесиниң алдына келди ҳәм былай деди: «Әкежан, бир нәрсеге мениң улыўма ақылым жетпей атыр. Мен, ахмақтай, сонша өлип-тирилип ҳәрекет етсем де, ҳеш нәрсеге ерисе алмайман. Ал, Әлий болса, түйирли ҳеш нәрсе ислемесе де, сонша нәрселерге ерисип отыр. Буның себебин маған түсиндирип берсеңиз?». Сол ўақытта әкеси оған Акбар патша туўралы мына рәўиятты айтып берипти.

Бурынғы өткен заманда Акбар деген патша сарайынан сыртқа шықпастан-ақ, айтарлықтай ҳеш нәрсе ислеместен, көп жерлерди ийелеп алған екен. Бир күнлери оның алдына Жәлил деген адам келип, оған хызметке өтипти. Әдеўир жыллар өткеннен соң, Акбар оның хызметине кеўили толып, былай депти:

– Тиле тилегиңди.

– Маған жетискенликлериңиздиң сырын айтсаңыз, – депти Жәлил.

– Буның ҳеш қандай сыры жоқ. Мен тек ғана өзимди қай жерде қандай етип тутыўды билемен ҳәм усыған әмел етемен.

Сол ўақытта Жәлил былай депти:

– Онда мениң бир тилегимди орынласаңыз?

– Мақул.

– Маған өзиңизди дурыс тута билиў қәбилетиңизди инам етсеңиз.

– Яқшы, – депти Акбар әдеўир ўақыт ойланғаннан соң, – Мен саған “тиле тилегиңди” дедим, соның ушын да сораған нәрсеңди беремен.

Усы сөзди айтқан ўақыттың өзинде Акбардың де-несинен үлкен бир жарқыраған нәрсе шығып, былай депти: «Мен – Акбардың әжайып жүрис-турысыман. Енди Акбарды тәрк етип, Жәлилге баратырман». Ҳәм Жәлилдиң денесине кирип кетипти. Буннан кейин Акбардың денесинен және жарқыраған бир нәрсе шығып, былай депти: «Мен де сениң изиңнен бараман. Мен – Әдалатлықпан. Жақсы жүрис-турыс қай жерде жасаса, мен де сол жерде жасайман. Ол Акбарды тәрк етти, енди мен де оның изинен кетемен». Әдалатлықтың изинен үшинши жарқыраған нәрсе шығыпты ҳәм былай депти: «Мен – Ҳақыйқатлықпан. Әдалатлылық қай жерде жасаса, сол жерде жасайман. Соның ушын, мен де оның изинен кетемен». Буннан кейин, Акбардың денесинен және бир нәрсе шығып, өзин Диянат деп таныстырды ҳәм ол да Жәлилге өтип кетти. Оның изинен үлкен бир нәрсе шығып, былай деди: «Мен Күш-қудиретпен. Мен Әдалатлылық қай жерде жасаса, соның менен бирге боламан» деп, ол да Жәлилге өтип кетти. Ең соңында Акбардың денесинен алтындай болып жарқыраған бир нәрсе шығып, былай деди: «Мен Әўметпен. Күш-қудирет қай жерде болса, мен де сол жерде боламан».

Әке айтып берген рәўияттың мәниси соннан ибарат, әўметтиң, күш-қудиреттиң, ҳақыйқатгөйликтиң, әдалатлықтың тийкары – адамның өзин жақсы тута билиўинде. Қалғанының барлығы оның изине ерип келе береди. Егер инсан өзин әлийдей әдеп-икрамлы ҳәм дурыс тутса, алдына қойған мақсетлерине сөзсиз ерисе береди. Ал, егер өзин надурыс тутса, Омардың тәғдирин бастан кеширеди.

А. ШАМУРАТОВ

Аянышлы…

– Мына имаратыңыздан маған 2-3 бос хана керек еди.

– Не менен шуғылланбақшысыз?

– Жеке меншигимдеги балалар бақшасын ашпақшыман.

– Буған мүтәжлик бар ма екен… Нөкисте сонша балалар бақшасы ислеп турыпты.

– Бар, әлбетте. Ҳәзир перзентлерин ата-аналардың бағыўға ўақты жоқ. Ер адам да, ҳаял да азанлы-кеш жумыс пенен бәнт.

– Ырастан да… Бизлер кишкене пайытымызда аталарымыз бенен кемпир апаларымыз ақлықларына қарай алатуғын еди. Ҳәзир, ҳәттеки, олар да жумыста – балаларының контрактлерин төлеў керек-ғой!

Адамның жасы 55-60 тан өткеннен кейин жаслардай болып қызып, жумыс ислеўди азайтыўы керек. Бул жаста адам руўхыйлығын асырыў, руўхый әмелиятлар менен шуғылланғаны мақул. Бул – жәмийет, шаңарақ ушын да әҳмийетли.

– Айтқаныңыз дурыс-ғой, бирақ күйеўи менен ҳаялы бирдей жумыс ислемесе – шаңарақ баға алмай қалады.

– Бул дүньяда тек адам ғана “аш болып қаламан” деп қайғырады. Бул тәшўишке ҳеш бир жәниўар түспейди. «Ертеңги күним қалай болады?» деп қайғыратуғын тек – адам. Бүйтип қайғырған менен оның турмысы жақсыланбайды. Керисинше, кейпияты беттер түсип, шаңарағының басқа ағзаларына зәҳәрин шашып болады.

Ҳаял-қызлар ушын ең жақсы макияж – көзлериндеги бахыт…

*** *** ***

Қайсы ҳаял-қыз турмысқа шығыўды қатты қәлесе, ол өзин тута алыў қәбилетинен ҳәм шырайынан журдай болады. Бәрқулла унамлы кейпиятта бола алатуғын ҳаял-қызлар әлбетте турмысқа шығады, өйткени ер адамға унамлы кейпият керек.

*** *** ***

Жақсылық ҳаққында қанша ўақыт ойлайсыз? Сиз тап сол қурақым жақсылыққа ийе боласыз…

*** *** ***

Турмыста ҳәмме нәрсениң өзине ылайық қуны бар. Әўели қунын төлейсиз – кейин ойлағыныңызға жетисесиз. Умытпаң: барлық исте де усындай!

*** *** ***

Руўхый дүньясы күшли инсан, ҳәттеки, азап шегип турса да – арыз етпейди. Ҳәлсиз адам еле азап шекпей турып-ақ арыз ете баслайды. Яғный, Ана-Тәбияттың нызамларына әмел ететуғын инсан өзин қоршаған шараятлардан бийғәрез куўанып жасаўға себеп табады. Өз билдигинше жасайтуғын адам болса – қәлеген шараятта да қайғыға бериледи.

*** *** ***

Ҳаял адам турмысында күйеўсиз-ақ әрманларын әмелге асыра алады, ол бақ-дәўлетке ерисиўге қәдир, бирақ… бахытлы бола алмайды. Қандай жетискенликлерге ерипесин – оның иши геўек болып қала береди. Қанша күшли болмасын – ол ҳешқашан да өзиниң өмирлик ўазыйпасы – аналықта ҳәм жақынларына муҳаббат бериўинде екенлигин умытпаўы тийис.

• Егер айына 30 миллион сум пайда көрип отырған исбилерменниң бизнесин банкрот етип, барлық ақшаларын алып қойсаңыз – шама менен ярым жылдан соң ол және айына 30 миллион сум табатуғын адамға айланады. Күни-түни тынбай жумыс ислесе де, сол бурынғы дәрежесине ерисиў ушын илаж табады.

• Егер 3 миллион айлығы бар абыройлы фирмада жумыс ислейтуғын жақсы қәнигени жумыстан шығарып жиберсеңиз, ол және үш миллион айлығы бар жумыс табаман дегенше тыным таппайды. Бурынғы танысларына қоңыраў етеди, ҳәр түрли мәкемелерге хабарласады… Усы тәризде бир жерден жумыс табады.

• Ал, енди күнине 30 мыңнан жумыс ислейтуғын жалланба сатыўшыны жумыстан шығарып жиберсеңиз, алдын қыйналыўы мүмкин, бирақ ол да көп өтпей және күнине 30 мың ақша беретуғын жерге орналасып алады. 

• Тап сондай, садақа сорап, күнине 10 мың сум пул табатуғын қайыршыны бийтаныс қалаға алып барып тасласаңыз, ол және бурынғы талабын ислеп, үйренискен пулын таўып кетеди.

Ҳәр бир адамда ақша табыўдың қандай да бир сценарийи болады. Бул сценарий сол адамға қанша ақша ҳәм оны қалайынша табыў керек екенлиги ҳаққындағы мағлыўматты жеткерип турады.

Қайыр сорап үйренген адам жумысқа кириўди ойламайды. Жалланба сатыўшы болса «айлығымды 3 миллионға жеткериўим керек» деп бас қатырмайды. 3 миллионлы айлығы бар адам өзиниң фирмасын ашыўды кµз алдына келтире алмайды. Бир айда 30 миллион пайда көретуғын исбилермен биреўдиң қол астында жумыс ислеўди ҳеш қашан да мийине сиңдире алмайды.

М. САҒЫНДЫҚОВА

Саза журналының №12 (93) санында Сизиң нәзериңизге:

- Өмир жолыңа пәндиў нәсиятлар

- Өмириңди өзгертетуғын даналықлар

- Жеке раўажланыў орайында болған сәўбетлерден…

- Патшаның жүрегин урлаған Аяз

- Меҳир қолур

- Эҳ! Ҳаялларды қуртатуғын қәлеўлер! 

- Өзиңди дурыс тута билиўдиң әҳмийети

- Не ушын ҳаяллар ҳаял болыўды қәлемейди?

- Барлық машқалалардың шешими

- Ҳәр бир бала қәбилетли

- Шаңарақтың бузылыўында ең тийкарғы себеп

- Өмиримизди зәҳарлейтуғын 4 әдет

- Добрые истории

- Қызлар! Турмысқа шығыўға асықпаңлар!

- Мен күйеўимди қайтадан жақсы көре баслағанымда…

… ҳәмде басқа руўхый ҳәм кеўил ашар материаллар, рәўиятлар усынылады.

  Мәрҳамат, алып оқың. Билимлерден бос қалып қоймаң.

Журналымыздың ҳүрметли ықласбентлери! 

Жаңа жыл медитациясына қатнасасыз деп үмит етемиз. Өйткени бул ҳәммемизге керек. Жақынларыңыз ҳәм досларыңызға усыныс етиң.

Уллы Бердақ бабамыз «Жигит болсаң арысландай туўылған,

                                  Хызмет еткил удайына халық ушын» деп тапсырғанындай, көпшилигимиз халық мәпин ойлап хызмет етиўди унатамыз. Мине, пурсат келди!

Саза журналының №11 (92) санында Сизиң нәзериңизге:

- Өмир жолыңа пәндиў нәсиятлар

- Өмириңди өзгертетуғын даналықлар

- Жеке раўажланыў орайында болған сәўбетлерден…

- Как орлица выбирает себе отца для своих орлят?

- Меҳир қолур

- Султанның төрт ҳаялы 

- Жасаўды кешиктириў синдромы

- Өкпе-гийне машқалалары

- Ер ҳәм ҳаял: Карым-қатнасықлардың жети басқышы

- Күнделикли өмир этикасы

- Ҳаял кәрамат күшке ийе

- Перзентлеримиз - өзимиздиң айнадағы сәўлемиз

- Добрые истории

- Ата-анаңызды кешириң

- Тойдан бурын ҳәм кейин

- «Мне не хватало любви»

- Шаңарақ туўралы қызық дәреклер

- Фильм көргенимизде, қосық еситкенимизде нелер жүз береди?

- Күйеўине жәрдем ете алған Ҳаял

- Ер адамның психологиясы

- Миллиардерлер дүньяқарасы

… ҳәмде басқа руўхый ҳәм кеўил ашар материаллар, рәўиятлар усынылады.

 Мәрҳамат, алып оқың. Билимлерден бос қалып қоймаң.