– Сәлем бердик кемпир апа! Мениң атым Гүлайым. Еле турмысқа шықпадым. 22 жастаман. Кеңеслериңизди қалдырмай оқып баратырман. Сизден сорамақшы едим - өзимди шырайлы деп есаплай алмайман, улыўма сулыў емеспен, жигитлерде мениң менен сөйлесе бермейди, енди қәйтип жасайын? Бахытлы болыў, өзин жақсы көриў бойынша көп айтасыз, мен мына «шырайым» менен қайда бараман?

Турмыста еркек қандай табысларға ериссе де, буның бәри ҳаялының арқасында. Дана ҳаялының жәрдеминде ер адам абырайға, табысларға, шыдамлылыққа, мақсетлерге умтылыўға ҳәм т.б.ларға ериседи.

- Қыз балаға әкеси тәрбия ҳәм өзиниң минез-қулқы арқалы еркекке болған исеним береди. Ер адам – бул ҳақыйқатлық, ерлик, қыйыншылықларды жеңиў қәбилийети, сабырлылық, кеўил тынышлығы, өзин услаў ҳәм қадағалаў уқыбы, дурыс жол тутыўды билиў, искерлик, инталық, тез шешим қабыл етиў… Еркектиң көтериңки таза сыпатлары мине усындай. Қыз бала әкесинде усы сыпатларды көрип ҳәмде болажақ күйеўинде де усы сыпатларды көре билиўге умтылыўы тийис.