«Саза» журналы

Өмириңди өзгертетуғын даналықлар

Өзиңниң әўметсиз екенлигиңе исениў – әўметсизликке алып келеди.

***  ***  ***

Турмысқа шығыўды қатты қәлейтуғын ҳаял-қыз турмысқа шыға алмайды.

***  ***  ***

Тек өлилер ҳәм ахмақлар пикиринен қайтпайды. Жаңа тәжирийбе, жаңа мағлыўмат алғаннан кейин пикир өзгериўи тийис. Болмаса – демек, сен талқылап, салыстырып, жуўмақ шығарып билмейсең.

***  ***  ***

Бизлер жуўап бериў ушын емес, ал түсиниў ушын тыңлаўымыз тийис.

 

***  ***  ***

Уллы адам деген ким? Басқалардың толып турған кемшиликлери арасынан нанның усағындай жақсы тәрепин көрип, соған дыққатланған адам.

***  ***  ***

Егерде сениң мақсетиң абырайлы болыў, атыңды шығарыў болса – тасла ол жумысты. Бирақ, егерде адамларға хызмет етиў болса – ҳеш нәрсеге қарамай исиңди даўам ет.

***  ***  ***

Қашан ҳаялы күйеўине өзиниң бағынышлы екенлигин көрсете, билдире алса – оны күйеўи түсине ҳәм қабыл ете алады. Егерде ҳаял күйеўинен қалыспаса, айтқанынан қайтпаўға тырысса – күйеўи оның менен тап еркек пенен болғандай жәнжеллеседи.

***  ***  ***

Турмыста жүз беретуғын кризис – бизлердиң раўажланыўдан тоқтап қалғанымызды көрсетеди. Бизден кейинги қәдемди таслаў күтиледи.

***  ***  ***

Қәлеген жаста қәлеген адам тек жеке раўажланып бахытлы бола алады.

***  ***  ***

Бизлердиң жақынларымыздың (ағайинлер, туўыс-қанлар, жубай, перзентлер) айрықша өмирлик ўазыйпалары бар – олар бизлердиң кемшилик жеримизди көре алады ҳәм оны түртеди. Усылайынша олар бизлердиң минез-қулқымыздың жетиклесиўине жәрдем береди.

***  ***  ***

Ҳәр бир адам өзине мүнәсип нәрсени алады. Сонлықтан, айнада өзиңизге қарап турып «Бул мениң өтмишимдеги ислеген әжайып ис-ҳәрекетлерим ҳәм қәлеўлеримниң нәтийжеси» деп түсингейсиз.

***  ***  ***

Өзине исеними төмен адамлар басқаларға агрессив болады. Бул – ҳәлсизлик белгиси. Ырастанда күшли адамлар басқаларға топылмайды, ал оларды илҳамландырады.

***  ***  ***

Еле кишкене балаларды жазалай бермең. Оның өмирин бүлдирип аласыз. 5 жасынан кейин айтып түсиндиресиз, ҳәзир ол түсинбейди. Тийисли меҳир-муҳаббат алалмай қалған бала – үлкейгенде аңсыз рәўиште сизге қыйыншылықлар жаратып, кек алады.

***  ***  ***

Диянат адамға қорғаныш береди. Бундай адамлар, ҳәттеки, өлимнен де қорықпайды. Сонлықтан, диянатлы адамлардың кеўли қәтержам.

***  ***  ***

Өзимизден таза, раўажланған ҳәм жетик инсанлардың жәмийетинде болыў бизге қыйын. Бизлердей яки бизден «төмен» адамлардың жанында биз өзимизди жақсы сеземиз. Егерде биз раўажланыўды қәлесек – аңлы рәўиште бизден «жоқары» адамлардың жанында болыўымыз дәркар.

***  ***  ***

Берген ўәдеңниң үстинен шығыў оғада әҳмийетли, жигитлер. Бердиң бе – орынла, бердиң бе – орынла… Сонда пәм күшленеди, өмириңизди жақсы тәрепке өзгерте аласыз.

***  ***  ***

Тәғдирден нарийзашылық оғада қәўипли. Өтмишке өкинишлер адамды аўыр кеселликлерге, ҳәттеки, он-кологиялық кеселликлерге де алып келеди.

***  ***  ***

Биз бәрқулла, ҳәр күни өзимиздиң характеримизди жақсылап барыўымыз тийис. Себеби, жақсы характер жәрдем береди.

***  ***  ***

Аўыр жағдайларға да миннетдар бол – сонда ол екинши мәрте жүз бермейди.

***  ***  ***

Әўметли ҳәм табыслы адамларда ўақыт өтип көкиреклик пайда болады ҳәм олардың өсиўи пәсейеди.

***  ***  ***

Егерде машқалаларды бирден шеше алмасаң – бөлип-бөлип шеш.

***  ***  ***

Көпшилик жаслар шаңарақ қурыўды еплей алмайды – олардың минез-қулқы еле қәлиплеспеген.

***  ***  ***

Күйеўи өзинен көп пул табатуғын ҳаялын аңсыз рәўиште кем ҳүрмет етип баслайды.

***  ***  ***

Көбинесе, маманлығы төмен қәнигелер жоқары маманлықтағы қәнигелердиң үстине шығып кетеди. Өйткени, төмен маманлықтағы қәнигелер өзлериниң қәбилетлерин жоқары баҳалаўға бейим болады. Олар маманлығының төменлигинен, ҳәттеки, қәтелескенин аңламай қалады. Ал, жоқары маманлықтағы қәнигелер керисинше, өзлерин төмен қәбилетли деп есаплаўға бейим ҳәм имканиятлардан пайдаланбай қалады. Бул – илимий дәлийлленген Даннинг-Крюгер эффекти деп аталады.