«Саза» журналы

Күйеўим кетип қалды…

– Кемпир апа! Күйеўим менен алты жыл бирге жасадық. Жақында ол себебин айтпай, үйден биротала шығып кетти. Кетип баратырып, мени жақсы көретуғынын билдирди. Неге кеткенин түсине алмай атырман.
МЕҲРИБАН, Хожели районы



– Жүдә аянышлы жағдай. Күйеўиңниң кетип қалғанының себебин айтыў қыйын – мағлыўмат кем, лекин оның қандайда ишки себеплери бар. Сениң төрт гәпли хатыңнан бир нәрсе анық – сизлердиң қатнасықларыңызда надурыслықлар болған, сезимлериңизди өз ўақтында дурыс түсин-бегенсизлер… Келешегиң ушын айтайын – пайда болатуғын қәлеген мәселелерди (әйтеўир түйиле қойсын) итибарсыз қалдырыўға болмайды, оларды биргеликте талқылаў керек. Мына қағыйданы жақсылап уғып ал – жубайың менен сµйлесиў – жүдә әҳмийетли ҳәм жүдә керек. Лекин, гүрриңлесиўлериңиз жыйналысқа айланып кетпеўи тийис. Бир-бирин жақсы кµретуғын инсанлардың гүрриңлесиўи екенлиги ядыңлардан шықпасын. Айыплаўлар, бақырыс-шақырыс пенен болатуғын сµйлесиўлер тек апатшылыққа алып келеди.
Сµйлесиўлер қалай алып барылыў тийис? Жубайыңды нелер тынышсызландырады, не нәрсеге кеўли толмай атыр, ол нелерди бастан кеширмекте, сениң менен қатнасықтан оған не жетиспей атыр ҳәмде ҳәзирги мәҳәли оған не нәрсе әҳмийетли (керек) – мине усыларды  сорастырып, гүрриңлесиўди басла. Соннан кейин барып, µзиң туўралы айтып бер: оның қайсы шешими сени тынышсызландырады, қайсы әдет-ҳәрекетлери саған унамайды… Бир-бириңизге усындай етип айтып үйрениң ҳәмде бир-бириңизди еситиң. Ҳаялының ашық-айдын болыўы еркек ушын жүдә әҳмийетли. Еркегиниң машқалалары, турмысы менен қызықсынатуғын ҳаял бара-бара оның тек ҳаялы болып қалмай, сондай-ақ жақын достына айланады. Булар еркек пенен беккем ҳәм узақ қатнасық орнатыўға тий-кар болады.
Умытпа: турмыста түрли нәрселер жүз береди. Ҳәмде, не болмасын – табыўдан кµре жойтыў жеңил. Егерде сизлер бир-бириңизди қәдирлейтуғын болсаңыз, онда усы бағытта жумыс алып барыў керек. ¤зи боладылыққа салмаў керек. Ең әҳмийетлиси – бир-биреўге болған исеним, қатнасықтағы ашықлық, шын кеўиллик, қоллап-қуўатлаў…, - бир-бириңизди түсинип, солайынша қабыл етиў. Сонлықтан, Меҳрибан, болған ўақыяны қатты драмаластыра берме, кеўлиңди ҳәм «қолыңды» түсирме. Гүрриңлесиўге таярлан, ойларыңды жәмле ҳәм ҳәрекет ет. Исенемен, сен келистире аласаң.